sexta-feira, 29 de abril de 2011

quinta-feira, 28 de abril de 2011

quarta-feira, 27 de abril de 2011

terça-feira, 26 de abril de 2011

sábado, 23 de abril de 2011

segunda-feira, 18 de abril de 2011

Chibarro


mui ralo bés l chibarro
aburmelhando ls caminos,
son mui guapos ls sous bagos
anque séian pequeninos.

Fonso Roixo



domingo, 17 de abril de 2011

Xara2



nun cuolhas la flor de monte,
que nun aguanta tues manos:
quelor para béren todos,
oulores lhibres i sanos.
Fonso Roixo


quinta-feira, 14 de abril de 2011

xara1


Dúran pouco ciertas flores,
muorren cumo arde la cera:
dan quelor i apuis se ban,
deixando-mos l anho a spera.

Fonso Roixo

quarta-feira, 13 de abril de 2011

Xara


yá nun aguántan las xaras
sou berde ne l més d'abril
i ábren-se an branco: só abeilhas
als beisos son mais de mil.

Fonso Roixo

terça-feira, 12 de abril de 2011

Tomilhos1


hai froles que son andebles
i por esso inda mais guapas,
bíben anquanto salbaiges,
muorren-se se l sol le tapas.

Fonso Roixo

segunda-feira, 11 de abril de 2011

Madressilva1


nun te dan muitos balor
por nun seres mui bistosa,
mas bien bi cun quanta ambeija
an ti miraba la rosa.

Fonso Roixo

domingo, 10 de abril de 2011

Madressilba


spreita antre silbeirones,
quaije naide dá por eilha,
mas cun sou hounesto oulor
la madressilba ye streilha.

Fonso Roixo


sábado, 9 de abril de 2011

Fedieira


sou fuogo la fedieira
bota dues bezes al anho,
tinhe arribas cun sues fuolhas:
sabe tan bien esse anganho...
Fonso Roixo

quinta-feira, 7 de abril de 2011

zgalha de Carbalheira


inda un die hei de antender
porquei úsan ls carbalhos
pa dezir l que nun puoden:
carbalhos nun son caralhos!

Fonso Roixo

 


quarta-feira, 6 de abril de 2011

Tomilhos


cabecicas a salir
dun berde niu de serpiente,
eilusion de roixo a arder:
nun se bibe só de l diente...

Fonso Roixo


terça-feira, 5 de abril de 2011

Galha de niebro


al loinge son coraçones
als brincos lhadeira arriba,
acerca serena fuorça
adonde un mundo se striba.

Fonso Roixo

 

segunda-feira, 4 de abril de 2011

frol nua peinha


dar froles an tierra buona,
de bida normal ye seinha,
mas guapas son a drobar
froles que nácen an peinha.

Fonso Roixo

domingo, 3 de abril de 2011

Urzes


nun buolben la cara al friu,
son froles de tierra pobre:
uns ardórun-lo de sangre
outros cunquístan l ser nobre.

Fonso Roixo

sábado, 2 de abril de 2011

froles de Primabera


ye na frol que todo ampeça,
puis nien solo antressa l fruito:
anque benga muorte cierta,
nun stamos siempre de lhuito.

Fonso Roixo


sexta-feira, 1 de abril de 2011

Froles


bés todo l mundo frolido
tou uolho al meio un boton:
cuidado que las abeilhes
puoden spetar-te l ferron.

Fonso Roixo